Anthologia Latina 74 SB = 86 R
De rosis
Hortus erat Veneris, roseis circumdatus herbis,
Gratus ager dominae, quem qui uidisset amaret.
Dum puer hic passim properat decerpere flores
Et uelare comas, spina libauit acuta
5
Marmoreos digitos. mox, ut dolor attigit artus
Sanguineaque manu tinxit sua lumina gutta,
Peruenit ad matrem frendens defertque querellas:
"Vnde rosae, mater, coeperunt esse nocentes,
Vnde, tui flores, punctu<que> latentibus armis
10
Bella gerunt mecum? †floris est color et cruor unum†
EIUSDEM pro Item scriptum putavit Riese (vide c. 73 = 85 R)