anthologia Latina 84

Testo base di riferimento: D. R. Shackleton Bailey, 1982

Cura dell'edizione digitale: M. N. Iulietto, 2009

Altre sezioni


Anthologia Latina 72 SB = 84 R

 

De rosis

 

<A> quales ego mane rosas procedere uidi!

Nascebantur adhuc neque erat par omnibus aetas.

Prima papillatos ducebat <tecta> corymbos

Altera puniceos ap<i>ces umbone leuabat,

5

Tertia non totum calathi patefecerat orbem,

Quarta simul nituit nudato germine floris.

Dum leuat una caput dumque explicat altera nodum,

Necdum uirgineus pudor exsinuatur amictu,

Ne pereant, lege mane rosas. <cito> uirgo senescit.

Confert Riese Hieronymum, ep. 26: quis parturientem rosam et papillatum corymbum, antequam in calathum fundatur orbis et tota rubentium foliorum pandatur ambitio, inmature demessum aequis oculis marcescere videat?