anthologia Latina 82

Testo base di riferimento: D. R. Shackleton Bailey, 1982

Cura dell'edizione digitale: M. N. Iulietto, 2009

Altre sezioni


Anthologia Latina 70 SB = 82 R

 

De tabula

 

Has acies bello similes cano, quas Palamedes

Constituit. casu uario paribusque periclis

Inscius ac sollers sistunt se; namque superbis

Vana superuacue crescunt mendacia buccis

5

Et se sollertes punctis facientibus inflant.

En proceres, Fridi asseclae lususque magistri!

Assidue similes mittuntur semper in unum,

Quemque deus ded<er>it, se praefert inscius artis.

Quid labor ingeniumque iuuat? cur pallidus extat

10

Aut quid iners dubitat? securus ludat amator,

Nummos quisquis habet. discedat liuidus hostis

Se doctum iactans. quod si reppertor adesset

Princeps huc sollers, uictum se saepe uocasset.

Aduersis punctis doctum se nemo fatetur.

15

Vulnera plus crescunt punctis quam Marte sagittis.

Carmen a Baehrens, qui maioris epylii fragmentum esse suspicatus est, praepropere, opinor, conclamatum