anthologia Latina 20

Testo base di riferimento: D. R. Shackleton Bailey, 1982

Cura dell'edizione digitale: P. Tempone, 2009

Altre sezioni


20 R = 7 SB

 

OCTAVIANI

 

Candida sidereo fulgebat marmore Cypris

     Nec cinctam reddit nobilis arte lapis,

Mystica secreti dirumpens claustra pudoris

     Cum urtica gremio prosilit aetherio.

5

Proles heu niueis nutritur pessima membris

      Gratum iamque locum protegit herba ferox.

Sed recte factum: celantur feruida membra,

     Cultibus ut lateat tecta libido malis.

Mulciber an Martem metuens hoc sponte peregit,

10

      Horreat ut Mauors dulcia adulteria?

Sordet pulchra Venus, temnuntur Cypridos artus?

     Quid placeat nobis, si Venus ipsa piget?

20 R = 7 SB  Praefationem sequuntur in Ausque ad Pervigilium Veneris, cuius titulum vide, 172 carmina titulis designata. Primi huiusce inscriptio sic se habet:

Versus Octauiani (ni supra scr.) uiri inlustris annorum XVI filius crescentini uiri magnifici. sunt uero uersi CLXXII