anthologia Latina 12

Testo base di riferimento: A. Riese, 1894

Cura dell'edizione digitale: F. Ragni, 2009

Altre sezioni


Hercules et Antaeus

Litus harenosum <ad> Libyae caelestis origo

Alcides aderat, terrae omnipotentis alumnum

Caede noua quaerens et ineluctabile fatum.

Protinus Antaeum uasta se mole mouentem

5

Occupat, ille suae contra non inmemor artis

Concidit atque nouae rediere in praelia uires.

Adrepta tellure semel uim crescere uictis

Non tulit Alcides et terra subleuat ipsum.

Namque manus inter conantem et plurima frustra

10

Corripit in nodum nisuque inmotus eodem

Auxilium solitum eripuit, corpusque per ingens

Non iam mater alit Tellus uiresque ministrat.

Verum ubi nulla datur dextra adtrectare potestas,

Illum exspirantem magnum Iouis incrementum

15

Excutit effunditque solo. ruit ille uolutus

Ad terram, non sponte fluens, uitaque recessit.

et Antaeus

et antheus A