Lux mundi laeta, deus, haec tibi celeri cursV,
Alme potens, scribsi, soli famulatus et unI,
Vt te, uita, fruar teque casto inueniam cultV
Rectaque per te ad te ducente te gradiar uiA.
5
Excelse cernis deus, quae me plurima cingunT
Nota et ignota tuis male nata zezania satiS.
Tu sed mihi certa salus spesque unica uitaE.
Immeritum licet lucis facias adtingere limeN.
Verba nam tua ualida imis me tollunt AuernI;
10
Sola haec misero mihi te, uitam, dabunt seruulO.