Iam, Christe, sol iustitiae,
Mentis dehiscant tenebrae,
Virtutum ut lux redeat,
Terris diem cum reparas.
5
Das tempus acceptabile,
Et paenitens cor tribue,
Conuertat ut benignitas,
Quos longa suffert pietas.
Quiddamque paenitentiae
10
Da ferre, quamuis grandium
Maiore tui munere
Quo demptio sit criminum.
Dies uenit, dies tua,
Per quam reflorent omnia;
15
Laetemur in hac ut tuae
Per hanc reducti gratiae.
Te rerum uniuersitas
Clemens adoret Trinitas,
Et nos noui per ueniam
20
Nouum canamus canticum.