Alleluia piis edite laudibus,
Ciues aetherei, psallite nauiter
Alleluia perenne.
Hinc uos perpetui luminis accola
5
Adsumet resonans hymniferis choris
Alleluia perenne.
Vos urbs eximia suscipiet Dei,
Quae laetis resonans cantibus excitat
Alleluia perenne.
10
Felici reditu gaudia sumite,
Reddentes Domino glorificos melos
Alleluia perenne.
Almum sidereae iam patriae decus
Victores capitis, quo canor est iugis
15
Alleluia perenne.
Illic regis honor uocibus inclitis
Iocunda reboat carmina perpetim
Alleluia perenne.
Hoc fessis requies, hoc cibus et potus,
20
Oblectans reduces haustibus affluis
Alleluia perenne.
Nos te suauisonis conditor affatim
Rerum carminibus laudeque pangimus
Alleluia perenne.
25
Te Christe celebrat gloria uocibus
Nostris omnipotens, ac tibi dicimus
Alleluia perenne.