hymni Christiani anonymi 77

Altre sezioni


Magnae Deus potentiae,

Qui ex aquis ortum genus

Partim remittis gurgiti,

Partim leuas in aera,

5

Dimersa lymphis inprimens,

Subuecta caelis inrogans,

Vt stirpe una prodita

Diuersa rapiant loca:

Largire cunctis seruulis,

10

Quos mundat unda, sanguinis,

Nescire lapsus criminum

Nec ferre mortis taedium;

Vt culpa nullum deprimat,

Nullum leuet iactantia,

15

Elisa mens ne, concidat,

Elata mens ne corruat.