hymni Christiani anonymi 70

Altre sezioni


Ecce iam noctis tenuatur umbra,

Lucis aurora rutilans coruscat,

Nisibus totis rogitemus omnes

Cunctipotentem,

5

Vt Deus nostri miseratus omnem

Pellat languorem, tribuat salutem,

Donet et Patris pietate nobis

Regna polorum.

Praestet hoc nobis Deitas beata

10

Patris ac Nati pariterque sancti

Spiritus, cuius reboatur omni

Gloria mundo.