hymni Christiani anonymi 62b

Altre sezioni


Iam nunc, paterna claritas,

Te postulamus affatim,

Absit libido sordidans

Omnisque actus noxius.

5

Ne foeda sit uel lubrica

Conpago huius corporis,

Per quam auerni ignibus

Ipsi crememur acrius.

Ob hoc, redemptor, quaesumus

10

Vt probra nostra diluas,

Vitae perennis commoda

Nobis benignus conferas.

Quo carnis actu exsules,

Effecti ipsi caelibes,

15

Vt praestolamur cernui,

Melos canamus gloriae.