Deus, aeterni luminis
Candor inenarrabilis,
Venturus diei iudex,
Qui mentis occulta uides,
5
Tu regnum caelorum tenes,
Et totus in uerbo tu es,
Per Filium cuncta regis,
Sancti Spiritus tu fons es.
Trinum nomen, alta fides,
10
Vnum per omnia potens,
Mirumque per signum crucis
Tu rector inmensae lucis.
Tu mundi constitutor es,
Tu septimo throno sedes
15
Iudex, ex alto humilis
Venisti pati pro nobis.
Tu sabaoth omnipotens,
Hosanna summi culminis,
Tibi laus est mirabilis,
20
Tu rex primus, anastasis.
Tu fidei auditor es,
Et humiles tu respicis,
Tibi alta sedes thronus,
Tibi diuinus est honor.
25
Christo aeternoque Deo
Patri cum sancto Spiritu
Vitae soluamus munera
A saeculis in saecula.