Fulgentis auctor aetheris,
Qui lunam lumen noctibus,
Solem dierum cursibus
Certo fundasti tramite;
5
Nox atra iam depellitur,
Mundi nitor renascitur,
Nouusque iam mentis uigor
Dulces in actus erigit.
Laudes sonare iam tuas
10
Dies relatus admonet,
Vultusque caeli blandior
Nostra serenat pectora.
Vitemus omne lubricum,
Declinet praua spiritus,
15
Vitam facta non inquinent,
Linguam culpa non inplicet:
Sed sol diem dum conficit,
Fides profunda ferueat,
Spes ad promissa prouocet,
20
Christo coniungat caritas.