In sepulcro regis Wambae
Wamba prius, qui Petrus eras, missaeque minister,
Rex Gothicae gentis religione micas.
Sponte tua non affectas regale cacumen,
Sed subis imperii grande coactus onus.
5
Spes tua, conatusque tuus, uirtute potentis
Fretus, inauditas res operatus ades.
Nulla perinde tali res gratior usque quiete est:
Coenobiumque gaudens post sacra sceptra petis.
Septem ibi perpetuos monachus bene praeteris annos,
10
Oblata inde polos morte beatus adis.
Felix Wamba tua censeris sorte fuisse:
Tam bene qui calcat sceptra, per astra uolet.
Septem sceptra tuae gentis moderaris in annos,
Quae sinis haud morbi mole, sed ipse libens.