anthologia Latina 223

Reference basis text: D. R. Shackleton Bailey, 1982

Editing of the digital edition: P. Tempone, 2009

Other sections


223 R = 214 SB

 

CORONATI

Viri clarissimi

 

Locus Vergilianus

Viuo equidem uitamque extrema per omnia duco

 

Aspera diuerso laxatur uita dolore

Et morti uicinus eo uiuitque labori

Aegra salus. nostras cruciant dum flamina mentes,

Vitae flatus abit. quantos post Pergama casus

5

Vidit enim praeclara manus! quos saepe dolores

Pertulit atque iterum quas sensit Troia ruinas!

Plus cecidit post fata Phrygum. nunc ipsa cremata est

Ab natis incensa suis recidiuaque morti

Iuncta est et casum meruit miseranda secundum.

10

Traditur infestis semper noua praeda procellis

Et flammas habet ipsa suas taedasque ministrat

Sola sibi. non hostis eget, non ignibus umquam:

De facibus micat ipsa suis lumenque nigellum

Possidet infelix semper. quas aequoris iras,

15

Quas caeli terraeque lues miserabile uulgus

Pertulit, errantes saeuis Tritonis in undis!

Atque domus mihi pontus erat Phrygiique penates

Et quasi iam pirata fui; lacrimisque profusis

Inter aquas siccabat homo nostro<s>que profecto

20

Fluctibus addebam. fluctus crescebat in astra,

Et mihi naufragium nostri fecere liquores.

223 R = 214 SB Habet etiam B