In sepulcro Quirici
A Domino qui nomen habes pie, uoce, Quirice
Et monachus, praesul Barcinonensis, aue.
Agaliensis eras quondam sanctissimus abbas,
Barcino te multum praesule gaudet ouans.
5
Te Toletano pietas praefecit ouili:
Diuisas sedes praesul amansque uides.
Nil uno melius fuit, aut te sanctius uno:
Et dementato rege dolens moreris.
Te socium laetis Leocadia suscipit ulnis,
10
Corpus humo, mentem laeta sub alta locans.
Gaude sorte tua, praesul uenerande Quirice;
Sic Dominus terris es, Dominusque polo.