Lathcen lorica


Suffragare, trinitatis unitas,

Vnitatis miserere trinitas!

Suffragare, quaeso, mihi posito

Maris magni uelut in periculo,

5

Vt non secum trahat me mortalitas

Huius anni neque mundi uanitas.

Et hoc idem peto a sublimibus

Caelestis militiae uirtutibus,

Ne me linquant lacerandum hostibus,

10

Sed defendant me iam armis fortibus,

Et me illi praecedant in acie

Caelestis exercitus militiae,

Cherubin et Seraphin cum milibus

Michael et Gabriel similibus.

15

Opto thronos uirtutes archangelos

Principatus potestates angelos,

Vt me denso defendentes agmine

Inimicos ualeam prosternere.

Tum deinde ceteros agonithronos:

20

Patriarchas, quattuor quater prophetas,

Apostolos, nauis Christi proretas

Et martyres, omnes peto athletas,

Vti me per illos salus saepiat

Atque omne malum a me pereat,

25

Christus mecum pactum firmum feriat,

Timor, tremor taetras turbas terreat.

 

Deus, impenetrabili tutela

Vndique me defende potentia!

Mei gibrae pernas omnes libera

30

Tuta pelta protegente singula,

Vt non taetri daemones in latera

Mea librent, ut solent, iacula:

Gigram, cephalem cum iaris et conas,

Patham liganam sennas atque michinas

35

Cladum crassum madianum talias

Bathma exugiam atque idumas.

Meo ergo cum capillis uertici

Galea salutis esto capiti,

Fronti oculis et cerebro triformi,

40

Rostro labio faciei timpori

Mento barbae superciliis auribus

Genis buccis internaso naribus

Pupillis rotis palpebris tautonibus

Gingis anhelae maxillis et faucibus;

45

Dentibus linguae ori uuae gutturi

Gurgulioni et sublinguae ceruici

Capitali ceutro cartilagini

Collo clemens adesto tutamini!

Deinde esto lorica tutissima

50

Erga membra, erga mea uiscera,

Vt retrudas a me inuisibiles

Sudum clauos, quos figunt odibiles.

Tege ergo, Deus, forti lorica

Cum scapulis umeros et bracchia,

55

Tege ulnas cum cubis et manibus,

Pugnas palmas digitos cum unguibus!

Tege spinam et costas cum artubus,

Terga, dorsum et neruos cum ossibus,

Tege cutem, sanguinem cum renibus,

60

Catacrinas, nates cum femoribus!

Tege gambas suras femoralia,

Cum genuclis poplites et genua,

Tege talos cum tibiis et calcibus,

Crura, pedes plantarum cum basibus!

65

Tege ramos concrescentes decies,

Cum mentagris ungues binos quinquies,

Tege pectus iugulam pectusculum

Mamillas stomachum et umbilicum!

Tege uentrem lumbos genitalia

70

Atque aluum et cordis uitalia,

Tege trifidum iecor et ilia

Marsem renos fithrem cum obligia!

Tege toliam, toracem cum pulmone,

Venas fibras fel cum bucliamine,

75

Tege carnem, inguina cum medullis,

Splenem tortuosis cum intestinis!

Tege uesicam, adipem et pantes

Compaginum innumeros ordines,

Tege pilos atque membra reliqua,

80

Quorum forte praeteriui nomina!

Tege totum me cum quinque sensibus

Et cum decem fabrefactis foribus,

Vti a plantis usque ad uerticem

Nullo membro foris intus aegrotem,

85

Ne de meo possit uitam trudere

Pestis febris languor dolore corpore,

Donec tandem Deo dante seneam

Et peccata mea bonis deleam,

Vt de carne iens imis caream

90

Et ad alta euolare ualeam

Et miserto Deo ad aetheria

Laetus uehar regni refrigeria!