Eugenius Toletanus carminum appendix 49

Altre sezioni


Rex legum, rex imperii, rex iuris honesti,

En coram te stat humanae stirpis origo;

Distincta gradibus totis et nomine toto

Laetatur se constare te iudice certo,

5

Vt quod lex sacra tali de themate narrat,

Elatum sceptrum terrenti robore firmet:

† quisquis coniugii nexum contingere quaerit,

      Humanam stirpem hac sibi forma notet;

Sic clarus genere tota de parte manebit,

10

      Immundo mundus sanguine cum fuerit.

Non ergo iungat uicina origine foedus

      Qui uult laetari prolis amore pius.

Nam si confinem ducat de sorte iugalem,

      Incestu turpi commaculat subolem

15

Sicque qui illustri naturae luce refulsit,

      Ad tenebras sceleris sordida culpa trahit

Ac mox census honor libertas gloria compos

      Foedo laesa toro cuncta simul perient.