Gaudia praepetibus concurrunt undique uotis
Et gestit animum pax recreare meum.
Viuescunt sensus bello liteque repressi
Et uenit ad primum mens lacerata modum.
5
Crescit amore salus: procul, o, procul este dolores,
Nam iussit refugos iam stabilire deus.
At tu, peruerse daemon et pestifer anguis,
Nil prodesse tibi nunc, periture, dole.
Non tua praeda sumus, quamuis pia pectora rixis
10
Punxeris ad modicum, non tua praeda sumus.
Sic semper rapidis uanescas tabidus auris
Et nos in Christo sic tueatur amor.