... fieri nos qui dedit esse sacratas,
Viuat et ipse sacer". dicque sinistra soror.
Lux tua, saluator, tali pro munere cingat
Non tibi qui statuit". quinta quid inde taces?
5
"Lumen inextinctum sis, rex bone, semper ut opto;
Haec te parua licet uota mouere queant.
Ordine lucifluo dignum cape, uictor, honorem".
Haec ego quae media: subde secunda sequens.
"Omnibus in populis nomen sibi uindicet almum
10
Largus et hic dator". quid modo, quarta, siles?
"Perpetuo Christi dignus tueatur amorem
Iste dei cultor". ultima dextra refer.
"Magnificum regem tua nam uirtute corona,
Te rogo, celse deus". septima sicque petis.