Cuncti hodie festiua colunt: ego solus in orbe
Absens natali conqueror esse tuo;
Qui si forte latens alia regione fuissem,
Ad uos debueram concitus ire magis.
5
Nunc alii tibi dant, ego munera nulla sorori,
Vel dare qui potui pomula, mora ioti.
Sed quamuis absens specie, sum pectore praesens
Et rogo quae misi dona libenter habe:
Sic deus omnipotens parcat matri atque sorori,
10
Quae non egerunt me retinere sibi.
Haec pia festa diu multos, senis ipsa, per annos
Laeta matre simul, me quoque fratre colas.