Quam prius inscribam fixam pietate parentem,
Quo geminae matres, extat et una soror?
Hanc praeponit honor, quae iunior extat in annis;
His aetas grauior iure senile fauet.
5
Sed mihi dulce tribus pariter mandare salutem,
Est quoniam uobis carus et unus amor.
Felix quae retinet pariter tria lumina mensa
Et paschale bonum multiplicare facit!
Angelico coetu sic participante fruantur
10
Deliciae uobis in regione dei.