Prouida disponunt reges solacia plebi
Pontificem dantes quem probat alma fides,
Vt colat Hilarium, quem dat Martinus alumnum,
Et confessoris protegat ala potens,
5
Dirigat hic populum successor honore beato
Et clerum ecclesiae qui moderetur ope.
Floreat arce decens rex Childebercthus in orbe
Cum genitis populo matre sorore iugo.
Gaudia laeta paret praesentia sancta Gregori
10
Et geminas urbes adiuuet una fides.
Qui modo discipulo Platone antistite summo
Sollemnem ecclesiae hic dedit esse diem.