Si rapidis oculis te semper, amice, uiderem,
Sic quoque uix auidum me satiaret amor;
Qui, si praesentis non possum cernere uultum,
Te mihi uel scriptis, care, saluto libens.
5
Hunc etiam famulum commendo, benigne, uerenter,
Et si iusta petit, hunc tua lingua iuuet,
Qui tortus grauiter genitam sibi luget abactam,
Per uos ut redeat filia clausa, rogat,
Paupere ut audito, dum estis medicina dolenti,
10
Et uestris curis sit pia cura deus.