Tramite munifico celebrauit pagina cursum,
Carmine dulcifluo quam tuus edit amor,
In qua forte loci facta est collatio doni,
Qua Vigenna procax litore frangit aquas,
5
Lapsibus et tumidis dum fertur nauta carinis.
Iugera culta uidet quando celeuma canit.
Grates, care, gero, pietatis fruge replete,
Qui facis unde decens multiplicetur apex.
Et sine his mea sunt a te quaecumque tenentur:
10
Grex habet omnis agris quod bone pastor habes.