Venantius Fortunatus carminum libri 8, 15

Altre sezioni


Summe pater patriae, celsum et generale cacumen,

      Forte decus generis, Toronicensis apex,

Lumen ab Aruernis ueniens feliciter aruis,

      Qui inlustrans populos spargeris ore pharus,

5

Alpibus ex illis properans mons altior ipsis,

      Vir per plana sedens qui pia castra tegis,

Neu noceant hostes qui sunt in ouile fideles,

      Vnicus in campis publica turris ades.

Huic date dulce caput regioni, care Gregori,

10

      Martini retinet quem sacra sella patrem,

Me Fortunatum humilem commendo patrono;

      Sic tua uita diu hoc sit in orbe deo.