Regali de stirpe potens Radegundis in orbe,
Altera cui caelis regna tenenda manent,
Despiciens mundum meruisti adquirere Christum,
Et dum clausa lates, hinc super astra uides.
5
Gaudia terreni conculcas noxia regni,
Vt placeas regi laeta fauente polo.
Nunc angusta tenes, quo caelos largior intres:
Diffundens lacrimas gaudia uera metes.
Et corpus crucias, animam ieiunia pascunt,
10
Solo quam dominus seruat amore suus.