carmen de nominibus litterarum recensio amplior Y

Other sections


Littera sum Samii discrimine secta bicorni,

Humanae uitae uideor praeferre figuram:

Nam uia uirtutis dextrum petit ardua callem,

Difficilemque aditum primo spectantibus offert,

5

Sed requiem praebet fessis in uertice summo;

Molle ostentat iter uia lata, sed ultima meta

Praecipitat captos, uoluitque per aspera saxa.

Quisquis enim duros casus uirtutis amore

Vicerit, ille sibi laudem decusque parabit;

10

At qui desidiam luxumque sequetur inertem

Dum fugit oppositos incauta mente labores,

Turpis inopsque simul miserabile transiget aeuum.

I quoque maiorum quondam seruata uetustas

Augusti ad tempus pro me scribebat ubique;

15

Inter uocales a doctis censeor esse

 Ἑλληνικῶν causa λόγων quibus utitur omnis

Qui fari gestit latialiter atque diserte.