Quam bene conueniunt genitor quos sustulit unus,
Si simul hos unum pectus utrosque tenet!
Visceribus hisdem genitos Flauum Euodiumque
Prorsus amore uno uiscera nostra tegunt.
5
Alter in alterius mihi uisu uisus habetur,
Et fratris speciem fratris imago dedit.
Vnius ex facie facies mihi nota secundi:
Sic speculo similem forma repressa refert.
Ergo pari uoto paribus dans uota salutis
10
Ambos inter ego tertius alter ero:
Hoc cupiens, ut quos caris amplexibus idem
Tres amor unus habet, nos quoque charta liget.