Venantius Fortunatus carminum libri 7, 15

Altre sezioni


Delicias, Berulfe, tuas spectando libenter

      Me fateor duplicem sustinuisse famem.

Sic ego credebam, quarta satiarer ut hora:

      Me nec ad octauam mensa benigna uocat.

5

Per uestras epulas didici ieiunia gestans:

      Litania fuit prandia uestra magis.

Det tibi uota deus, per quem (modo laeta notamus),

      Haec quoque dum scribo, plus satiatus agor.