Venantius Fortunatus carminum libri 5, 12

Altre sezioni


Summe sacerdotum, bonitatis opima facultas,

      Culmen honore tuo, lumen amore meo,

Officiis uenerande sacris, pietatis alumne,

      Pignore amicitiae corde tenende meae,

5

Florens in studiis et sacra in lege fidelis,

      Semper agens animae dona futura tuae:

Te, pater, ergo precans terram freta sidera testor.

      Vt uelis ore sacro me memor esse tuum.