Gildas sapiens oratio


Deus, caeli, angelorum creator et hominum,

Terrae, maris, lunae, solis, astrorum ac fluminum,

Cuncta creans, cuncta regens, nos, precamur, dirige.

Qui dedisti Iacob iusto commoda itinera,

5

Iter nostrum fac benignum, iucundum ac prosperum.

Seruos tuos contra anguem defende nequissimum.

Montes, colles, uada, ualles transeamus fluminum,

Malignorum non curemus impetum dirissimum,

Defensorem habeamus Dominum fortissimum.

10

Nos itaque properantes Christi regat pietas,

Nostra simul cuncta Deus illesa restituat,

Qui Tobiae ducem dedit Raphahelem archangelum.

Itere acto repetito oportuno tempore

Mereamur adipisci Domini custodiam,

15

Vt gauisi cum salute redeamus patriam.

Itere acto Deo patri referamus gratias,

Glorioso summi nato sanctoque spiritui

Nobis danti uiae cursum felicem in saecula.