Lux oculis, lux blanda, meis lux mentibus apta!
Sic se fert clarum Lucifer ante diem.
Me Veneris retines constrictum blanda catenis:
Dum † sub perdideris † tunc ego liber ero.
5
Non aliter Leander gelidis remeabat in undis
† inter quem dubio † uincere fecit amor.
Haud secus Achilles arsit Briseide flaua:
Idem uictus erat cognitor ipse sui.
Sic Phoebum quondam cruciauit pectore Daphne,
10
Incenditque animum plusque negando magis.
Nos aliter sors ista cremat: plus denique feruet
Quem tu respicies: corpora grata trahis.
Nunc anulus cuperem fieri dilectus in auro,
Vt manibus teneris tu mea membra regas.
15
Obsequio facili semper tibi uinctus haberer
Circulo dum religo corpus idemque tuum.
Si nostram in ceris cupias mutare figuram,
Applicitum labiis oscula blanda dabis.