Praemia tot formae numeret quis uoce facunda
Quaeue potest laudes dicere Musa tuas?
Quamuis normalis intendam promere uoces,
Deficiunt uerba, pectus anhelat amans. 
5
Esse Paris uellem: Helenae quid fama teneris
In pretio? potuit te dare nuda Venus.
Dum similes auro crines religantur in auro,
Vincuntur meritis flaua metalla tuis.
Cilia blanda micant grato distincta nitore
10
Vtque ebenus pulchro ebore mixta nitent.
Regnat in ore decus quod tinxit rubor alumnus
Vt cedant labiis uicta roseta tuis.
Lactea colla tibi fulgent quasi lilia multa
Vernantur meritis membra decora tuis.
15
Quisne parum tumidas detecto uentre papillas
Non tractet manibus, poma fecunda, suis?
Quam castigato planus sub pectore uenter,
Quantum et quale latus, quam iuuenile femur!
Inguina pulchra latent magnae sub imagine formae:
20
His nequeo testis inscius esse quidem!
contatti: 