Qui cupit caelo sociare terram
Linquere et luxae uitium parentis,
Me petat, certum decus et coronam
Muneris alti.
5
Ille nec dirum metuit tribunal,
Nec per urbanos uolitat potentes,
Conscius recti tenet inter undas
Stagna salutis.
Barbarum quamuis tumeat Gelonus,
10
Parthica et latret Morinus figura,
Omne quod mundi rabies susurrat,
Despicit arcet.
Intrat excelsi penetrale regis,
Ditium tutus manet in ruinis,
15
Ille nec legem patitur sepulcri
Nec mala uitae.