Quamuis sit tenerum madore mellis
Quodcumque strepuit parens Camena,
Et fictum lepido nitore carmen
Captiuet docilis momenta cordis,
5
Nec semper deceat poema uirtus,
Quod lex praecipiens tenere fluxum
Resoluat studio iubente fortes:
At nos Pieriae modum loquelae
In tantum sequimur monente cura,
10
Quantum dat genius uigorque ueri.
Christi militis insitum rigorem
Elumbem patimur cauere ductum.