Dionysio Christus dedit
Quot bella, tot uictorias.
Exul piorum ciuis est,
Vrbis supernae particeps.
5
Constantius uatem loco
Quondam tyrannus expulit.
Non cessit iste turbido,
Creuit periculis fides.
Hoc sancta dic professio:
10
Te poena tradit prosperis,
Optata mercaris malo!
Persiste, tortor adiuuans,
Lux haec negando ceditur.
O quam beata aduersitas,
15
Si sic triumphant exules!
Nihil uerendo martyre
Confessor ille distitit.
Dispersa mors quos adficit,
Ad uota mortis euolant.
20
Nil lenta perdit coctio,
Intrat latenter abdita.
Vitale funus maeror est,
Velox medella transitus.
Risit furorem principis
25
Fide manente cursitans.
Fixus per orbem ducitur,
Qua sol coruscat acrior
Negans bibendi copiam.
A te, tremende, sumimus
30
Ceu nostra quae remuneras.
Tu mitte sanctum poscere,
Quod ipse nobis conferas.