Deus perenne gaudium,
Pax Christe cordis anxii
Portusque fluctuantium,
Quem nec procella, turbidis
5
Si uerrat ima motibus,
Potest fugare a pectore.
Qui mersa ponto subleuas,
Qui subiugata sarcinis,
Qui dux prophetae naufragi,
10
Dum uiuit esca beluae,
Dum nescit aequor quod tenet,
Tutum ferino e gutture
Exactor abrumpis cibum.
Diro reductus remige,
15
Custode saluus pessimo.
Vatis locutus te deum
Tunc iussa gessit fortior.
Immunda lymphis sobrium
Per busta terris uexerat.
20
Viuens sepulcra pertulit,
Viuentis urnae prandium.
Secreta ceti prodidit
Testis uerendus intimi.
Sic nos precamur, rex deus,
25
Maerore fractos ut cibum
De uentre curarum rape.
Viuit medullis quod necat,
Turbantur alta uiscerum.
In fonte carnis ardor est,
30
Qui mergit urit adficit.
Sed hi serenus aspicis,
Pressura gignit gaudium.