Praesulis iunctum tumuloque Auiti,
Funus HESICI tegitur sepulchro,
Qui cluens olim micuit honore
Pontificali.
5
Quique mundanis titulis peractis,
Quaestor et regum habilis, benignus
Ambiit demum habitare sacris
Incola tectis.
Cultibus Christi sapienter haerens
10
Fautor et pacis studuit furentes
Reddere ciues speciali uoto
Mentis amicae.
Temporum mensor numeros modosue
Calculo cernens strenuusque doctor,
15
Vnde fraterna docuit libenter
Agmina templis.
Septenum necdum peragens bilustrum
Corpus huic sedi posuit beatae:
Mente cum iustis habitans refulget
20
Luce perenni.
Quem soror Marcella gemens obisse,
Vltimum praebens lacrimis leuamen
Nomen hic scalpsit titulumque fixit
Carmine paruo.