Luxurius carmina (anth. Riese) 351

Testo base di riferimento: H. Happ, 1986

Cura dell'edizione digitale: M. N. Iulietto, 2009

Altre sezioni


De sententiis septem philosophorum distichi

 

Solon praecipuus, fertur qui natus Athenis,

Finem prolixae dixit te cernere uitae.

 

Chilon, quem patria egregium Lacedaemona misit,

Hoc prudenter ait, te ipsum ut cognoscere possis.

 

5

Ex Mitylenaeis fuerat qui Pittacus oris,

Te, ne quid nimis ut cupias, exquirere dixit.

 

Thales ingenio sapiens Milesius acri

Errorem in terris firmat non caelitus esse.

 

Inde Prienaea Bias tellure creatus

10

Plures esse malos diuina uoce probauit.

 

Vrbe Periander genitus, cui fama Corintho est,

Omnia constituit tecum ut meditando reuoluas.

 

Cleobulus, proprium clamat quem Lindia ciuem,

Omne, inquit, magnum est, quod mensura optima librat.

sententiis

sentenciis C  2