Luxurius carmina (anth. Riese) 315

Testo base di riferimento: H. Happ, 1986

Cura dell'edizione digitale: M. N. Iulietto, 2009

Altre sezioni


In gibberosum, qui se generosum iactabat

 

Fingis superbum quod tibi patrum genus,

Nunc Iuliorum prole te satum tumens,

Nunc Memmiorum Martiique Romuli,

Prodesse gibbo forte quid putas tuo?

5

Nil ista falso uerba prosunt ambitu.

Tace parentes, ne quietos moueas:

Natura nobis, unde sis natus, doces.

gibberosum (b supra l.) A