Alcimus Auitus carminum appendix 16

Other sections


Olim quae propriis laetata es, Gallia, regnis

      Inque nouos luctus gaudia prisca rapis,

Conueniunt lamenta tibi, est et causa doloris,

      Gloria qui potuit nominis esse tui.

5

CHLODOMERIS enim excellens regia proles

      Migrauit regnum raptus ad aetherium.

Qui teneris annis, animis dum uincitur aetas,

      Tempora praecurrens coeperat esse puer.

Cuius praecipuis crescens infantia rebus

10

      Ipsaque iam uerbis murmura mixta dabat

Verbaque maiorem necdum monstrantia sensum

      Certabat magnis paruulus ingeniis.

Lactea mellifluis reserabat pectora dictis

      Erumpens tenero cordis ab ore uigor.

15

Hunc rapuit mox saeua dies, cum quarta tumescens

      Densaret gelidas horrida bruma niues.