Angelicos ciues, et Christi in membra renatos,
Non trahat ad ueterem carnis origo hominem.
Multa quidem in nostros mundus bona procreat usus,
Et pleno tellus seruit opima sinu.
5
Sed terrae hospitibus, caeli super astra uocatis,
Virtutis palma est spernere blanda soli;
Et sic praesentis spatium percurrere uitae,
Ipsa peregrinis ne uia sit laqueus.
Nam declinantes pro summis ferre laborem,
10
Terrenorum auidos infima suscipient.