Prosper Aquitanus epigrammata 44

Altre sezioni


Non seruit iussis legis prudentia carnis,

      Peccati stimulos nec superare potest.

Sed quia mens anceps patitur mala corporis aegri,

      Quaerere diuinum cogimur auxilium.

5

Lex igitur facit ut poscatur gratia Christi,

      Ardua qua legis iussa queant fieri;

Nec iam non ualeant carnales uincere sensus,

      Quos iustae legis conditor ipse iuuat.