Contra Augustinum narratur serpere quidam
Scriptor, quem dudum liuor adussit edax:
Qui caput obscuris contectum utcumque cauernis
Tollere humo miserum perpulit anguiculum.
5
Aut hunc fruge sua aequorei pauere Britanni,
Aut huic Campano gramine corda tument.
Quae concepta fouet promat, quae parturit edat;
Seu uetere armatur dogmate, siue nouo.
In quoscumque sinus spirarum torqueat orbes,
10
Et fallax multa contegat arte caput;
Currentem attritos super aspidas et basiliscos
Declinare senem uipera non poterit.