Plautus fragmenta


Quam ego tanta pauperaui per dolum pecunia.

Panem et polentam, uinum, murrinam.

Opus facere nimio quam dormire mauolo:

Veternum metuo.

5

Quasi lupus ab armis ualeo, clunis infractos fero.

Nunc mihi licet quiduis loqui: nemo hic adest superstes.

- <mu>iionum nauteam fecisset -

Rauim.

Sequere adsecue, Polybadisce: meam spem cupio consequi.

10

Sequor hercle equidem: nam lubenter meam speratam consequor.

Axitiosae annonam caram e uili concinnant uiris.

Quasi tolleno aut pilum graecum reciprocas plana uia.

Terebratus multum sit et supscudes addite.

Terebra tu quidem pertundis.

15

Dare pedibus protinam sese ab his regionibus

Apluda.

Quis est mortalis tanta fortuna adfectus umquam

Qua nunc ego sum, quoiius haec uentri portatur pompa?

Vel nunc qui mi in mari acipenser latuit antehac, quoius ego

20

Latus in latebras reddam meis dentibus et manibus.

Vt illum di perdant primus qui horas repperit

Quique adeo primus statuit hic solarium,

Qui mihi comminuit misero articulatim diem!

Nam me puero uenter erat solarium,

25

Multo omnium istorum optumum et uerissumum.

Vbi is te monebat, esses, nisi quom nihil erat;

Nunc etiam quod est non estur, nisi Soli lubet.

Itaque adeo iam oppletum oppidum est solariis:

Maior pars populi aridi reptant fame.

30

Vbi primum accensus clamarat meridiem.

Nil quicquam factum nisi fabre nec quicquam positum sine loco;

Auro, ebore, argento, purpura, picturis, spoliis,

Tum statuis

Neque eam inuito a me umquam abduces.

35

Spectaui ludos magnufice atque opulenter.

.... Plure altero tanto quanto eius fundust uelim.

Ita sunt praedones: prosum parcunt nemini.

In peregre.

Velim te arbitrari factum.

40

Sedulum; si summouentur hostes, remouentur lapes.

... Si non strenue fatetur ubi sit aurum,

Membra exsicemus serra.

Nil feci secus quam me decet.

Quis tu es qui ducis me? Mu. Perii hercle! Afer est.

45

Molluscam nucem

Super eius dixit impendere tegulas.

Ego pernam, sumen, sueres, spetile, callum, glandia.

Patibulum ferat per urbem, deinde adfigatur cruci.

.. Secundum eampse aram aurum apscondidi.

50

Dis stribula aut de lumbo opscena uiscera.

Batiolam auream octo pondo habebam, accipere noluit.

Qui data fide firmata fidentem fefellerint,

Subdoli subsentatores, regi qui sunt proxumi,

Qui aliter regi dictis dicunt, aliter in animo habent.

55

Si me tu hodie inuitaueris numquam quicquam ..

Nexum.

Saliam in puteum praecipes.

Tum crepusculo fere ut amant. Lampades accendite.

Pro!

60

Quid cessamus ludos facere? Circus noster ecce adest!

Qui regi latrocinatus annos decem Demetrio.

Pulchrum et luculentum hoc nobis hodie euenit proelium.

Mihi Lauerna in furtis celebrassit manus.

Qui amant ancillam meam Phidullium oculitus.

65

Em te opsecro,

Lyde, pilleum meum, mi sodalis, mea Salubritas.

Face olant aedes arabice.

Virgo sum: nondum didici nupta uerba dicere.

Heus tu! In barbaria quod dixisse dicitur

70

Libertus suae patronae, id ego dico tibi:

"Libertas salue! Vapula Papiria."

Quae ego populabo probe.

Nunc illud est quod "responsum Arreti" ludis magnis dicitur:

Peribo si non fecero: si faxo, uapulabo.

75

Commodo dictitemus.

Is mihi erat bilis, aqua intercus, querquera tussis.

.. Sequimini me hac sultis legiones omnes Lauernae.

Vbi rorarii estis? Adsunt. Vbi sunt accensi? Ecce ..

Agite nunc, supsidite omnes, quasi solent triarii.

80

Naue agere oportet quod agas, non ductarier.

Superaboque omnis argutando praeficas.

Tunc papillae primulum

Fraterculabant - illud uolui dicere,

"Sororiabant." <quid> opus est uerbis?

85

* * * agnina tene * * * strebulis.

O amice ex multis mi une, Cephalio.

†Agerge†, specta, uide uibices quantas. Iam inspexi. Quid est?

Praeco ibi adsit, cum corona, quique liceat, ueneat.

Dolet huic puello sese uenum ducier.

90

Nil moror mihi fucum in alueo, apibus qui peredit cibum.

Scobina ego illunc actutum adrasi senem.

Prohibentque moenia alia. Vnde ego fungar mea?

Ocissume nos liberi possimus fieri ..

Producte prodigum esse amatorem addecet.

95

Vinum sublestissumum

Insanum ualde uterque deamat.

Scrattae, scruppedae, strittabillae, sordidae.

Honos syncerasto periit, pernis, glandio.

In conspicillo adseruabam pallium,

100

Opseruabam.

... cum uirgis caseum radi potest.

... Addite lopadas, echinos, ostreas

Domi reliqui exoletam uirginem.

Inde hic bene potus primulo crepusculo.

105

Domum ire coepi tramiti dextra uia.

Ambo magna laude, lauti, postremo ambo sumus non nauci.

Nam coloratum frontem habet, petilust, habrus.

(Catulinam carnem esitauisse Romanos Plautus in Saturione refert)

Retrahi nequitur quoquo progressa est semel.

110

"Male tibi euenisse uideo." Glaber erat tamquam rien.

Subcenturiatum require qui te delectet domi.

Nam pater tuos numquam cum illa etiam limauit caput.

Mulier est, uxorculauit, ego noui, scio axitiosa

Quam sit

115

†Fitea† mihi insignitos pueros pariat postea

Aut uarum aut ualgum aut compernem aut paetum aut brocchum filium.

Nisi fugissem [inquit], medium, credo, praemorsisset ...

Epeum fumificum qui legioni nostrae habet coctum cibum.

Quod uolt densum, ciccum non interduo.

120

Gannit odiosus omni totae familiae.

Licet uos abire curriculo.

Iam tibi tuis meritis crassus corius redditust.

Di bene uortant! Tene cruminam. Inerunt triginta minae.

Nullam ego rem citiorem apud homines esse quam famam reor.

125

Stultus est aduorsum aetatem et capitis canitudinem.

.Conruspare tua consilia in pectore.

Numnam mihi oculi caecultant? Estne hic noster Hermio?

Eierauit militiam.

Sic me subes cottidie quasi fiber salicem.

130

Init te umquam febris?

Neque muneralem legem neque lenoniam

Rogata fuerit necne flocci existumo.

Perfidiose captus edepol neruo ceruices probat.

Muriaticam autem uideo in uasis stagneis

135

Naricam bonam et canutam et †taguma†

†quinas† fartas, conchas piscinarias.

Non ego te noui, naualis scriba, columbar inpudens?

Nil deconciliare sibus nisi qui persibus sapis.

Sacrum an profanum habeas parui penditur.

140

Vix super * * * misero mihi ac * * * regliscit.

* * * surus * * * non est tibi.

Vlcerosam, compeditam, subuerbustam, sordidam.

Venter suillus * * * scrutillum ego me hodie * * * esa farte biberem.

... mittebam uinum pulchrum murrinam.

145

Quid est? Hoc rugat pallium: amictus non sum commode.

Exi tu, Daue, age sparge, mundum esse hoc uestibulum uolo.

Venus uentura est nostra, non hoc pulueret.

In pellibus periculum portenditur.

Cilix, Lycisce, Sosio, Stiche, Parmeno,

150

Exite et ferte fustis priuos in manu.

Glirium examina.

Quid murmurillas tecum et te discrucias?

Leuior es quam tippula.

... Nec machaera audes dentes frendere.

155

Inimicus esto, donicum ego reuenero.

.Si qua forte contio est, ubi eum hietare nondum

In mentem uenit.

Ego illi uenear.

Vinum precemur, nam hic deus praesens adest.

160

Cette patri meo.

Haec praesepes mea est.

Neque ego ad mensam publicas res clamo neque leges crepo.

Et ego te conculcabo ut sus catulos suos.

Hunc sermonem institi.

165

Properate prandium.

Corpus tuum uirgis ulmeis inscribam.

Paupera est haec mulier.

Ipsa sibi auis mortem creat.

.. Pro laruato te circumferam.

170

Castrum Poenorum.

Dissupabo te tamquam folia farfari.

Facilis oculos habet.

Medicum habet patagus morbus aes.

Qui talis est de gnatabus suis.

175

Probus quidem antea iaculator eras.

Linna cooperta est †textrino Gallia†.

.. Si quid facturus es appende in umeris pallium

Et †pergat† quantum <plus> ualet tuorum pedum pernicitas.

Aeneis coculis mi excocta est omnis misericordia.

180

Fortasse ted amare suspicarier.

Argentum hinc facite.