Hic pietas, hic alma fides, hic gloria Christi
Hic est martyribus crux sociata suis.
Nam crucis e ligno magnum breuis hastula pignus
Totaque in exiguo segmine uis crucis est.
5
Hoc Melani sanctae delatum munere Nolam,
Summum Hierosolymae uenit ab urbe bonum.
Sancta deo geminum uelant altaria honorem,
Cum cruce apostolicos quae sociant cineres.
Quam bene iunguntur lino crucis ossa piorum,
10
Pro cruce ut occisis in cruce sit requies!