Claudianus carmina minora 1

Reference basis text: J. B. Hall, 1985

Editing of the digital edition: O. Fuoco, 2009

Other sections


Solitas galea fulgere comas,

Stilicho, molli necte corona.

Cessent litui saeuumque procul

Martem felix taeda releget.

5

Tractus ab aula rursus in aulam

Redeat sanguis. patris officiis

Iunge potenti pignora dextra.

Gener Augusti pridem fueras,

Nunc rursus eris socer Augusti.

10

Quae iam rabies liuoris erit?

Vel quis dabitur color inuidiae?

Stilicho socer est, pater est Stilicho.

3

saeuumque

vacuumque g J₃ B₁ C C₁ L₄ O₃ P₁₁ S₃ W₂ Γ₁ Zm. alt.