De matrimonio grammatici infausto
"Arma uirumque" docens atque "Arma uirumque" peritus
Non duxi uxorem, sed magis arma domum.
Namque dies totos totasque ex ordine noctes
Litibus oppugnat meque meumque larem
5
Atque ut perpetuis dotata <a> matre duellis
Arma in me tollit nec datur ulla quies.
Iamque repugnanti dedam me, ut denique uictus
Iurger ob hoc solum, iurgia quod fugiam.
De matrimonio grammatici infausto Bob. M
De infausto matrimonio grammatici A edd.
De in Fausto matrimonio grammatici V