Ad Gallam
Vado, sed sine me, quia te sine, nec nisi tecum
Totus ero, pars cum sis altera, Galla, tibi.
Vado tamen, sed dimidius, uado minor ipso
Dimidio nec me iam locus unus habet.
5
Nam tecum fere totus ero; quocumque recedam,
Pars ueniet mecum quantulacumque mei.
Separor unus ego, sed partem sumo minorem
Ipse mei, tecum pars mea maior abit.
Si redeam, tibi totus ero; pars nulla uacabit,
10
Quae mox non redeat in tua iura. uale.
5
fere totus Ugoletus
indivisus Baehrens 1883
editio princeps
Ugoletus = T. Ugoletus, Ausonius, Decimus Magnus: Opera Ausonii Nuper Reperta, Parma 1499
post Appendix Ausoniana 7 Ugoletus inseruit
cf. Auson. epigr. 14